вторник, 27 марта 2018 г.

ტაილანდის ხელშეკრულება შესრულებულია - შემდეგი Оплот უკრაინისაა

უკრაინული ინტერნეტ რესურსი "Український Мілітарний Портал"-ის თანახმად "Укроборонпром"-მა დაასრულა ტაილანდის სამეფოსთვის "Оплот-Т" ტიპის ტანკების მიწოდება. მანქანების ბოლო პარტიამ შემკვეთის წინაშე წარმატებით გაიარა ყველა გამოცდები და უახლოეს მომავალში ტაილანდში იქნება გაგზავნილი.

ამჯერად უკრაინის არმიისთვის "Оплот"-ის შექმნის საკონსტრუქციო სამუშაოები მიმდინრეობს, რომელსაც მწარმოებელი თავდაცვის სამინისტროსთან ერთად ახორციელებს. ეს სამუშაო ასევე Т-64-ების მნიშვნელოვან მოდერნიზაციასაც მოიცავს, რის შედეგადაც მათი "Оплот"-თან მაქსიმალური უნიფიცირება მოხდება.


წყარო:
Український Мілітарний Портал

ბლოგის მხრიდან ასევე დავამატებ:

მხარეებს შორის მიღწეული შეთანხმების მიხედვით უკრაინულ მხარეს ტაილანდისთვის ტანკები შემდეგი გრაფიკით უნდა მიეწოდებინა: 2012 წლის დეკემბერი - ხუთი მანქანა, 2013 წლის აგვისტო - 15 მანქანა, 2013 წლის დეკემბერი - 15 მანქანა, 2014 წლის აგვისრო - 14 მანქანა.
რეალურად უკრინულმა მხარემ პირველი ხუთი ცალი "Оплот-Т" 2013 წლის ოქტომბრისთვის დაასრულა და მათი დემონსტრირება იმავე წლის 15 ოქტომბერს განახორციელა. ტანკები, თითო 4,45 მილიონი დოლარის საბაჟო დეკლარირებული ღირებულებით, ტაილანდში 2013 წლის 20 დეკემბერს გაიგზავნა საზღვაო გზით და დანიშნულების ადგილზე 2014 წლის 4 თებერვალს ჩააღწია.
"Оплот-Т"-ს მეორე, ხუთ მანქანიანი პარტია, "მალიშევის სახელობის ქარხანამ" 2015 წლის დასაწყისისთვის დაამზადა და ტაილანდში 2015 წლის 31 მაისს ჩაიყვანა. მესამე ხუთ მანქანიანი პარტია 2016 წლის აპრილისთვის დასრულდა და ტაილანდს 2016 წლის 21 მაისს მიეწოდა, მეოთხე ხუთ მანქანიანი პარტია ტაილანდს 2016 წლის ნოემბერში გადაეცა.
ამრიგად, ამ მომენტისთვის უკრაინულმა მხარემ ტაილანდს ფიზიკურად უკვე 20 ცალი БМ "Оплот-Т" გადასცა. სავარაუდოდ კიდევ ერთი ხუთ მანქანიანი პარტია (21-დან 25-ის ჩათვლით) ტაილანდში უახლოეს დღეებში ჩავა. ამას გარდა 25 მაისს ქარხნის ინჟინრის განცხადების თანახმად უახლოეს დღეებში ტაილანდში БМ "Оплот-Т"-ს მომდევნო, მეექვსე პარტია იქნება გაგზავნილი.
შეგახსენებთ რომ, ხელშეკრულება № USE-18.2-356-D/K-11, რომლის ღირებულებაც 240 მილიონ აშშ დოლარს უტოლდება, ГК "Укрспецэкспорт"-სა და ტაილანდის თავდაცვის სამინისტროს შორის 2011 წლის 1 სექტემბერს გაფორმდა. ხელშეკრულების თანახმად ტაილანდის არმიას 49 ცალი ახალი ტანკი БМ "Оплот-Т" და მის ბაზაზე შექმნილი შეჯავშნული-საევაკუაციო მანქანა БРЭМ-84 "Атлет" 2014 წლისთვის უნდა მიეღო, თუმცაღა "მალიშევის სახელობის ქარხანა" წარმოების დაწყებისთანავე წააწყდა ტანკმშენებლობის რთულ პრობლემებს და მიწოდების ვადები თითქმის ოთხი წლით გადაიწია.

აღნიშნული ხელშეკრულების შესახებ ბლოგზე არაერთხელ დაიწერა:

Комментариев нет:

Отправить комментарий